«Реал» ҳужумчиси Карим Бензема Чемпионлар Лигаси ярим финали жавоб баҳсидан ўрин олган «Манчестер Сити»га қарши ўйинда (3:1) гол урди.

Карим 2021/22 йилги мавсум «Реал» сафида 43 та ўйинда 43 та гол урди. Бу борада француз Альфредо ди Стефано (1956/57 йилги мавсум, 43 та гол) ва Уго Санчеснинг (1986/87 йилги мавсум, 43 та гол) рекордини такрорлади.

Бир мавсум давомида энг кўп гол уриш бўйича рекорд Криштиану Роналдуга тегишли. Португалиялик ҳужумчи 2014/15 йилги мавсум «Реал» сафида 61 та гол урган эди.

Бензема «Реал» сафидаги барча голлари сонини 322 тага етказиб, тўпурарлар баҳсида учинчи ўринда бормоқда. Иккинчи ўриндаги Раулга етиб олиши учун Каримга битта гол кифоя қилади. Испаниялик собиқ футболчи ҳисобида 323 та гол мавжуд. Криштиану Роналду 450 та гол билан «Реал» тарихидаги энг яхши тўпурар ҳисобланади.